Bullgaria e Greqia “porosi” Mickoskit / Bojko Borisov: Me Mickoskin çdoherë kam punuar mirë

Kështu siç janë të konceptuara ndryshimet kushtetuese, nuk kemi për qëllim që t’i mbështesim, tha kryetari i VMRO-DPMNE-së, Hristijan Mickoski, një ditë pas fitores. Kryeministri i përkohshëm i Bullgarisë, e komentoi fitoren.

-Shpresoj se do ta vazhdojnë perspektivën e tyre europiane. Nga ana jonë nuk kemi më ku të bëjmë më shumë lëshime, u shpreh Dimitar Gllavçev, kryeministër dhe MPJ i Bullgarisë.

-Nuk shoh se në çfarë kanë bërë lëshime, kryeministrit bullgar duhet t’i parashtrohet pyetja logjike, se çfarë është ajo në të cilën ato kanë bërë lëshime?!, tha Hristijan Mickoski, kryetar i VMRO-DPMNE-së.

Dhe përderisa Bullgaria është në ditët e para të fushatës zgjedhore për zgjedhjet e reja parlamentare, të gjithë kanë qëndrim të njëjtë, Maqedonia të respektojë marrëveshjen e nënshkruar.

-Me kolegun nga Maqedonia çdoherë kam punuar mirë, por do u kisha bërë thirrje kolegëve, zgjedhjet kaluan, të pastrojnë retorikën dhe në mënyrë flagrante të respektojë marrëveshjen për fqinjësi të mirë të cilin e kemi nënshkruar, tha Bojko Borisov, GERB.

-Ai propozim, ajo mundësi për Maqedoninë, qëndron para tyre. Ne nuk mundemi dhe nuk do të ndryshojmë mendimin në lidhje me këtë çështje, tha Kirill Petkov, PP.

-Nuk do të lejojmë që Bullgaria të shfrytëzohet për çështje të brendshme politike në Maqedoninë e Veriut. Dua t’i drejtohem zotit Mickoski, nuk do të ketë kryeministër bullgar që do të shkojë kundër interesave të Bullgarisë, tha Delljan Peevski, DPS.

-E rikujtoj Hrisitijan Mickoskin se jo çdo bullgar është maqedonas, por çdo maqedonas është bullgar. Rruga më e mirë për integrim europian të Maqedonisë është integrimi i plotë me Bullgarinë, tha Kostadin Kostadinov, Rilindja.

-Faji është tek “Vazhdojmë me ndryshim”, faji është te “Bullgaria demokratike” faji është edhe te DPS dhe GERB për shkak se e hoqën veton. Për Maqedoninë e Veriut, në këtë moment nuk ka vend në BE. Tha Toshko Jordanov, “Të ketë popull të tillë”.

Jo vetëm Bullgaria. U paraqit edhe fqinji ynë jugor. Kërkojnë që qeveria e re e Maqeonisë të respektojë Marrëveshjen e Prespës, ndërsa me këtë edhe të përdor emrit “Maqedonia e Veriut”.

-Unë personalisht nuk kam qenë dakord me Marrëveshjen e Prespës dhe veçanërisht me termat “kombi maqedonas” dhe “gjuhë maqedonase”. Por unë e pranova Marrëveshjen brenda vazhdimësisë së shtetit dhe e kuptova se, pavarësisht mos dakordimit tim me Marrëveshjen, duhet ta respektoja atë. Të njëjtat kërkesa ekzistojnë edhe tani nga lidershipi i ri i Maqedonisë së Veriut. Tha Kirijakos Micotakis, kryeministër i Greqisë.

Micotakis se me “brengë” po i ndjek deklaratat e funksionarëve të VMRO-DPMNE-së, por dhe se “me interes të madh” e pret qëndrimin zyrtar të kryeministrit të ri që të shohë “në çfarë mënyre do të përmend emrin e shtetit të tij”.