Drejtoria e doganës: Parandalohet hyrja e 1,7 ton medikamenteve të dëmshme për shëndetin e qytetarëve

Shërbimet doganore të RMV-së në hyrje të Aeroportit Ndërkombëtar të Shkupit kanë penguar hyrjen e 1,7 tonëve barna Sildenafil Citat Ups dhe Sibutramin, të cilat janë të dëmshme për shëndetin e qytetarëve.

Ata kanë njoftuar se barnat nuk janë të regjistruara në Agjencinë e Barnave dhe kompania importuese nuk ka pasur as leje për shitje me shumicë të produkteve medicinale, kryesisht nuk është e regjistruar në regjistrin e personave juridikë për kryerjen e këtij lloj aktiviteti. Pas ekspertizës u konstatua se medikamenti Sibutramin është një substancë që ndodhet në Listën Kombëtare të narkotikëve dhe substancave psikotrope të kontrolluara dhe se është stimulues i sistemit nervor qendror. Për më tepër, është përcaktuar se shkakton sulme në zemër dhe goditje në tru, prandaj barnat që përmbajnë sibutraminë janë ndaluar për shitje nga BE që nga viti 2010.