Izraeli vret 25 palestinezë në Gaza, përfshirë 10 të mitur

Ushtria izraelite ka vrarë të paktën 17 palestinezë, duke përfshirë më shumë se 10 fëmijë, dhe ka plagosur dhjetëra pasi shënjestroi dy shtëpi në qytetin e Gazës dhe Rafah.

Në kampin Al-Nuseirat, ushtria izraelite vrau tetë palestinezë.

Burimet lokale raportuan se 16 palestinezë, përfshirë 10 fëmijë, u vranë dhe disa qytetarë u plagosën për shkak të një sulmi ajror izraelit në një shtëpi në lagjen Al-Daraj në qytetin qendror të Gazës.

Për më tepër, burimet raportuan se një palestinez u vra pasi forcat izraelite sulmuan një shtëpi në Rafah, në jug të Gazës, që i përkiste familjes Al-Sha’er.

Të enjten herët në mëngjes, forcat izraelite sulmuan një shtëpi në kampin Al-Nuseirat në Gaza qendrore, duke vrarë tetë palestinezë.

Dëshmitarët thanë se bombardimi rezultoi në shkatërrimin e një shtëpie që i përkiste familjes al-Shami dhe shkaktoi dëme të konsiderueshme në shtëpitë e banorëve në zonën ngjitur, e cila strehon njerëzit e zhvendosur.

Ata thanë se ekipet mjekësore dhe personeli i mbrojtjes civile janë ende në kërkim të të vrarëve dhe të plagosurve në vendngjarje.