Kasami nuk ka dyshim se qeveria e ardhshme do ta respektojë Kushtetutën në pjesën e emrit të shtetit

“Në atë pjesë, si institucionalistë, edhe presidenti i shtetit, edhe kryeministri dhe palët e tjera të interesit si qeveri e ardhshme duhet dhe besoj se do të respektohet Kushtetuta dhe ligjet. Dhe në atë pjesë duhet parë se çfarë është ligjore dhe kushtetuese për zbatimin e asaj që është arritur deri më tani. Mund të konfirmoj edhe një herë se nuk do të ketë kthim në atë pjesë, sepse këtë e ka thënë kryetari aktual dhe mandatari i ardhshëm”, thotë kreu i Besës për njoftimet e bllokadës nga Greqia, pëcjell FLAKA.

Një nga shtyllat kryesore të programit të qeverisë së ardhshme do të jetë integrimi i shtetit në BE dhe gjithçka që duhet bërë për ta përshpejtuar atë proces – thotë kryetari i Lëvizjes Besa dhe një nga liderët e Koalicioni VLEN, Bilall Kasami, në një intervistë për “360 gradë” në MRT 1, ka pyetur se çfarë do të shkruhet në programin e qeverisë për ndryshimet kushtetuese për pranimin e bullgarëve.

Kasami përsëriti qëndrimin e tij se amendamentet kushtetuese mund të kalohen më lehtë me një qeveri të VMRO-DPMNE-së dhe VLEN-it, e cila, sipas tij, është e vendosur të vazhdojë rrugën evropiane jo vetëm si një angazhim deklarativ. Pyetjes së gazetarit se çfarë do të ndodhë nëse ndryshimet kushtetuese nuk janë fare në rendin e ditës, nisur nga reagimet nga Greqia dhe njoftimet për bllokadë edhe para formimit të qeverisë së re, Kasami thotë:

Kasami: Nuk kam asnjë dyshim që kjo qeveri do të zbatojë Kushtetutën dhe ligjin. Në asnjë rast nuk është shprehur asnjë hezitim në atë pjesë. Pa marrë parasysh se ka pasur disa situata të tilla.

360°: Mickoski thotë se betimi i presidentes ishte dinjitoz dhe se edhe ai do të vazhdojë të mos e përdor emrin kushtetues gojarisht.

Kasami: Në atë pjesë, si institucionalistë, si presidenti i shtetit, ashtu edhe kryeministri dhe palët e tjera të interesit si qeveri e ardhshme, duhet dhe besoj se Kushtetuta dhe ligjet do të respektohen. Dhe në atë pjesë duhet parë se çfarë është ligjore dhe kushtetuese për zbatimin e asaj që është arritur deri më tani. Mund të konfirmoj edhe një herë se nuk do të ketë kthim në atë pjesë, sepse këtë e kanë thënë edhe presidenti aktual edhe mandatari i ardhshëm.

Lidhur me fjalimet zyrtare të presidentes Siljnovska-Davkova, e cila nuk e përdor emrin kushtetues të shtetit, Kasami thotë se duhet parë nga një kënd tjetër.

“Ne mund të shkojmë edhe në një linjë tjetër, ajo përdor pasaportën me atë emër në udhëtimet e saj aktuale, dhe betimi – pjesa e shkruar është nënshkruar me emrin kushtetues. Nuk do të jetë në interesin e asnjërës palë që të bllokohet dhe të mos fitohet asgjë e re në fushën e dinjitetit. Anëtarët e qeverisë së ardhshme, si kryetri ashtu edhe qeveritarët, do të gjejnë mënyrën që ajo të jetë brenda kornizës së Kushtetutës, në kuadër të marrëveshjeve, pra të asaj që është rënë dakord më parë me Greqinë dhe të vazhdojë rruga përpara”, thotë Kasami.

I pyetur për një veto të mundshme nga pala greke për mosrespektim të Marrëveshjes së Prespës, Kasami thotë se prioritet i qeverisë do të jetë zhbllokimi i procesit të integrimit evropian.

“Në qeverinë e ardhshme që do ta shohë VLEN-ja, besoj se edhe VMRO-DMNE-ja do të qëndrojë pranë asaj që shohim në negociatat e mëparshme për formimin e qeverisë – se interesi i shtetit është në nivelin e parë, atëherë do të gjejnë forcë për çdo gjë që është në interesin e tyre për të vazhduar rrugën, do të shtyjë përpara. Prandaj, them se pavarësisht se çfarë ka ndodhur deri më tani, ajo që do të arrijë qeveria e ardhshme do të jetë shumë më realiste në drejtim të integrimit të Maqedonisë në BE”, tha kryetari i Lëvizjes Besa. FLAKA