Jetë me një buxhet të vogël ku nuk ka vend për pushim, një pjesë e madhe e qytetarëve do të qëndrojnë në shtëpi këtë verë

Me pagat dhe pensionet e ulëta për shumicën e qytetarëve në Maqedoni, është e pamundur të shkosh të paktën një herë me pushime vjetore jashtë vendit. Sidomos qytetarët e moshuar thonë se nuk mund të shkojnë për pushime si dikur, kur pushimet nuk konsideroheshin si luks, përcjell FLAKA.

Greqia fqinje është zgjedhja e shumicës së qytetarëve të cilët do të pushojnë të paktën një javë jashtë kufijve të Maqedonisë. Agjencitë turistike thonë se këtë vit, ndryshe nga të kaluarat, interesi është edhe më i ulët për shkak të problemit aktual me pasaportat dhe ndryshimit të detyrueshëm të emrit të ri në to, si dhe rritjes së çmimeve të aranzhimeve.

“Ajo që mund të vërej këtë vit është se interesi është drastikisht më i ulët se në vitet e kaluara dhe kjo për dy arsye, e para është problemi ende aktual me pasaportat, e dyta është rritja normale e çmimeve. Pra, çmimet janë shumë më të shtrenjta në krahasim me vitet e kaluara, kështu që mendoj se sivjet njerëzit vështirë se do të kenë mundësi të dalin në det dy herë më parë”, thotë Silvana Jovanovska nga agjencia turistike GO Travel.

Agjencitë thonë se fqinji jugor vazhdon të jetë destinacioni më tërheqës për maqedonasit, i ndjekur nga plazhet në Turqi, Shqipëri dhe Egjipt. Datat e para-sezonit janë më të kërkuarat sepse janë më të lirat.

“Para fillimit të sezonit, datat parasezonale janë më të kërkuarat për shkak të çmimeve më të ulëta. Natyrisht, Greqia është destinacioni numër një që është ende në kërkesë. Më pas është edhe Shqipëria, kemi Turqinë, Egjiptin, por tashmë janë më shumë drejt sezonit më të lartë. Në Greqi interesi mbizotëron në pjesën e parë dhe të dytë dhe në ishuj, por do të them me një intensitet shumë më të ulët në krahasim me vitet e mëparshme. Struktura e njerëzve që udhëtojnë në qershor dhe shtator është e ndryshme në krahasim me korrikun dhe gushtin. Kërkesa është zakonisht më e lartë në qershor dhe shtator, por këtu shkon brezi i vjetër. Të rinjtë shkojnë në korrik dhe gusht, kur shfrytëzojnë pushimet e tyre kryesore, kurse qershorin e shfrytëzojnë për të shfrytëzuar ditët e vjetra të pushimeve”, shtoi Jovanovska.

Ndryshe, sipas analizave të fundit të bëra nga Eurostat, zbulohet se çdo i dyti në vend e ka të vështirë të kursejë para për pushime.

Analiza e portalit statistikor “Landgeist” bazuar në të dhënat e Eurostat-it ka treguar se më shumë se gjysma e maqedonasve nuk mund të përballojnë pushimet vjetore.

Sipas sondazhit, Shqipëria, Rumania, Mali i Zi dhe Kosova janë më keq se ne. FLAKA