Pritet rritje të temperaturave deri në 40 gradë celsius në Maqedoni

Siç njoftojnë nga Drejtoria për Punë Hidrometeorologjike gjatë ditëve të ardhshme pritet të ketë rritje të temperaturave në gjithë Maqedoninë e Veriut.

Gjatë ditëve të ardhshme pritet të ketë vranësira lokale, kurse në orët e pasdites, posaçërisht të hënën, pritet të ketë reshje të shiut.

Nga fillimi i javës, temperaturat ditore do të jenë mbi 30 gradë celsius, kurse në mesjavë në pjesët jug-lindore të vendit pritet të arrijnë deri në 40 gradë celsius.

Në Shkup dhe rajon moti do të jetë shumë më nxehtë dhe me diell, kurse reshje të shiut pritet të ketë të hënën.