Tentoi të kopjonte në provime përmes inteligjencës artificiale, arrestohet studenti në Turqi

Autoritetet në Turqi kanë arrestuar një student me akuzën e mashtrimit gjatë provimeve pranuese në universitet për përdorimin e një pajisjeje të improvizuar të lidhur me softuerin e inteligjencës artificiale për të marrë përgjigjet e sakta. I riu u pa duke u sjellë në mënyrë të dyshimtë gjatë provimit gjatë fundjavës.

Në pranga ka rënë edhe një person që e ndihmonte. Videoja e publikuar nga policia në provincën Isparta tregon subjektin duke përdorur një kamerë me butona në këmishën e tij, të lidhur me softuerin e inteligjencës artificiale nëpërmjet një ruteri të fshehur në pjesën e poshtme të këpucës.

Në pamje, një oficer policie skanon një pyetje për të demonstruar se si funksionon sistemi dhe softueri jep përgjigjen e saktë, të cilën kandidati e dëgjon përmes një kufje.