Jançev te Pushtetin vendor, Toshkovski në MPB, Mucunski në MPJ…

Kryetari i Komunës së Kavadarit, Mitko Jançev, ka afat deri të dielën për të vendosur nëse do të jetë kryetari i tretë që do të shkojë në Ilindenska nr. 2, si ministër për vetëqeverisje lokale, përcjell FLAKA.

Këtë ofertë, sipas informacioneve të TV 24, Janaçev e ka marrë në takimin e djeshëm me mandatarin Hristijan Mickoski. Në lojë është edhe zëvendësministri i ekonomisë, por edhe Jançevi si kryetar komune për të pritur këstin e parë të rindërtimit. Përveç vetëqeverisjes lokale, Mickoski mbylli edhe dikasteret tjera për takime individuale me favoritët këtë javë. Sipas informacioneve të VMRO-DPMNE-së, arsyetimi është se mandatari në departamentet kyçe ka vendosur të luajë me njerëzit më të besuar.

Zëvendëskryeministër dhe ministër i Transportit dhe Lidhjeve do të jetë Aleksandar Nikollovski, në MPB do të mbetet Pançe Toshkovski, në MPJ do të jetë Timço Mucunski, në Mbrojtje Vllado Misjallovski, në Financa Gordana Dimitrovska Koçovska. Sanja Bozhinovska do ta drejtojë Ministrinë e re të Energjetikës, zonë ku Mickoski të martën paralajmëroi investimin e parë, por edhe spastrimin e parë me krime të mundshme.

Vesna Janevska tashmë është e njohur në arsim, Stefan Andonovski në digjitalizim, Cvetan Tripunovski në bujqësi, aktori Zoran Ljutkov në kulturë dhe Borko Ristovski në fushën e re të rinisë dhe sportit. Ministria e Bashkësive Etnike, si dhe dy të tjera pa portofol, do t’i jepen partnerëve më të vegjël të koalicionit të Mickoskit. Mandatari pret deri nesër propozimet e Znam për drejtësi dhe administratë.

I vetmi ndryshim nga kampusi i VLEN është se me Bujare Abazit zavendoshet me Arben Fetain për pozitën e zv.kryeministrit për Qeverisje të mirë, i cili prej shumë vitesh jetonte dhe punonte në Belgjikë dhe është bashkëpunëtor i ngushtë i Arben Taravarit, i cili po përgatitet ndoshta për kolltukun më të nxehtë, ajo në shëndetësi.

Partia e Kasamit dje zyrtarisht konfirmoi emrat e Besar Durmishit për ekonomi dhe Fatmir Limanit për punë dhe çështje sociale. Nga partia e kryetarit të Kuvendit, Admirim Aliti do të jetë ministër i Çështjeve Evropiane.

Mickoski do të udhëheqë një qeveri me 20 ministri, plus tre pa portofol,qeveria pritet të votohet më 22 dhe 23 qershor. Debati për zgjedhjen e qeverisë zgjat 2 ditë, ndërsa votimi bëhet në mesnatë. FLAKA