Rodri: Jemi në finale jo vetëm për të luajtur!

Rodri Hernandez, kapiteni i dytë i skuadrës spanjolle, ishte shumë krenar për imazhin e Spanjës pas triumfit kundër Francës dhe arritjen në finalen e “Euro 2024” të dielën e ardhshme në stadiumin olimpik në Berlin.

“Jam shumë krenar për atë që ekipi ka bërë me një përpjekje të jashtëzakonshme kundër një prej skuadrave më të mira në botë. Jemi aty ku duam të jemi, në finale, por duam më shumë. Nuk kemi arritur deri këtu vetëm për të, ne duam ta fitojmë atë. Është ambicia e ekipit”, tha ai.

“Të gjithë në dhomat e zhveshjes janë shumë të lumtur, por na mbetet përpjekja e fundit kundër cilitdo rival që mund të jetë.

Ka gëzim të përmbajtur, sepse objektivi është fitorja. Jemi të lumtur, por na mbetet hapi i fundit”, shtoi ai.

Në analizën e ndeshjes, Rodri mbeti me reagimin për 0-1 të Francës: “Ishte një gol i hershëm që nuk e prisnim, por e dinim për cilësinë që ata kanë.

Ata mund të shënonin kundër nesh, por reagimi i skuadrës ka qenë shembullor” tha ai. Së fundi, ai nënvlerësoi goditjen që Alvaro Morata mori nga një pjesëtar i forcave të sigurisë gjatë festës: “Ishte një rënie spektakolare nga një, por nuk mendoj se ishte një problem i madhe. Ai ka marrë vetëm një goditje, por do të jetë në finale”, tha Rodri.