Mërgimtarët po vijnë, rritet fluksi i veturave në Tabanoc

Është rritur frekuentimi i automjeteve në vendkalimin kufitar Tabanoc. Në vendkalimet e tjera kufitare nga ana e vendit tonë, nuk ka pritje të gjata, informojnë nga LAMM.

Nga 9 korriku në aksin e majtë të rrugës në autostradën Shkup-Kumanovë është kryer ndryshim i përkohshëm i regjimit të komunikacionit në gjatësi prej 1000 m para vendbanimit Milladinovc deri në vend, me ç’rast korsia për ndalesë të detyruar dhe korsia për drejtim automjeti janë mbyllur, prëderisa komunikacioni po zhvillohet nëpër korsinë e majtë për tejkalim.

Komunikacioni në rrugët e tjera të vendit po zhvillohet pa pengesa, nëpër rrugë të thata.

LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.