Vala e të nxehtit, Associated Press: Në Shqipëri dhe vende të tjera europiane është vetë ferri

Një valë e të nxehtit ka bërë që temperaturat në pjesë të Evropës qendrore dhe jugore të arrijnë deri në 40 gradë Celsius. “Alarmi” i temperaturave ekstreme në Shqipëri, Kosovë, Itali, etj, është ngritur edhe nga media prestigjoze Associated Press.

Në artikull shkruhet se nga Italia në Rumani, autoritetet paralajmëruan njerëzit që të jenë të kujdesshëm, të ngasin me kujdes automjetet e tyre nëse shkojnë me pushime, të pinë shumë ujë dhe të shmangin daljen gjatë orëve më të nxehta të ditës.

Autoritetet italiane shpallën alarm të kuq moti në shtatë qytete të enjten, kryesisht në pjesët qendrore të vendit, por edhe kryeqytetin Romë dhe Trieste në verilindje.

Kushtet e të nxehtit përkeqësohen nga lagështia dhe mund të prekin njerëzit e shëndetshëm si dhe ata me probleme shëndetësore, paralajmëruan autoritetet italiane.

Paralajmërime të ngjashme u lëshuan në Kroacinë fqinje dhe më tej në lindje dhe jug. Vendpushimi kryesor turistik i Kroacisë, qyteti jugor i Detit Adriatik i Dubrovnikut, regjistroi 28 C (82.4 F) në agim, duke sinjalizuar se nuk do të ketë ulje temperaturash kur dielli të perëndojë./vizionplus.tv