Premier League nuk gjen qetësi, Guardiola rinovon sërish me City

Pep Guardiola ka dhënë një përditësim të madh për të ardhmen e tij te Manchester City përpara fillimit të sezonit të ri të Premier League.

Kontrata e spanjollit skadon në qershor 2025, me raportet që pretendojnë se ai mund të vendosë të largohet nga “Etihad Stadium” sapo të përfundojë marrëveshja.

53-vjeçari do të ketë kaluar nëntë vjet në City deri në verën e ardhshme – një vit më shumë se Jurgen Klopp në Liverpool përpara se të vendoste të largohej nga klubi.

Duke folur në një konferencë për shtyp gjatë turneut të Cityt në Shtetet e Bashkuara, Guardiola ka treguar se ai tashmë mund ta ketë marrë vendimin e tij.

Ai tha: “Nëse e do atë që bën, pse duhet të ndalosh? Më pëlqen po aq shumë tani sa kur më punësuan. Pra, le të vazhdojmë”.

Nëse Guardiola vërtet nënshkruan një marrëveshje të re, kjo do të jetë një goditje për pjesën tjetër të Premier League, me Cityn që ka fituar katër titujt e fundit në kampionatin anglez.