Bujqit e Pollogut presin dëmshpërblim nga shteti! Nëse nuk e marrin shpejt, s’do kenë mundësi të mbjellin në vjeshtë

Kanë kaluar rreth 40 ditë nga kur breshëri shkaktoi dëme në Tetovë, Zhelinë dhe Jegunovcë.   Bujqit thonë se nëse qeveria nuk i dëmshpërblen,  ata nuk do të kenë mundësi që të mbjellin  të mbjellat vjeshtore.

Nga komuna e Tetovës së bashku me përfaqësues nga Ministria e bujqësisë kanë dale në terren, por ende nuk kanë përfunduar me vlerësimet.

Pas vërshimeve atëherë në terren dolën Ministri i bujqësisë Cvetan Tripunovski dhe kryetari i komunës së Tetovës Bilall Kasami. Të dy premtuan se pas vlerësimit bujqit dhe shtëpitë e dëmtuara do të kompensohen.