AMD po bëhet një kompani çipesh AI njëlloj si Nvidia

Ditën e sotme AMD publikoi rezultatet financiare të tre mujorit të dytë të 2024 dhe në vëmendje ishin produktet e kompanisë për qendrat e të dhënave dhe jo çipet për kompjuterët personalë e as konsolat e lojërave.

Biznesi i qendrave të të dhënave është dyfishuar brenda një vit ndërsa në tre mujorin e dytë kontributin më të madh e dha një çip i vetëm: Instict MI300 i cili konkurron me çipin e inteligjencës artificial H100 të Nvidia.

AMD tha se çipi gjeneroi 1 miliardë dollarë shitje në një tre mujor të vetëm ndërsa që nga momenti i debutimit në Dhjetor të 2023 gjer në fillim të këtij tre mujori kishte gjeneruar 1 miliardë dollarë në total.

Siç duket AMD po ndjek hapat e Nvidia e cila ka siguruar fitime marramendëse nga çipi H100 ndërsa çdo vit po zhvillon çipe të reja.

AMD gjithashtu planifikon të lançojë çipe AI të reja çdo vit. MI325X do të vijë në tre mujorin e katërt të vitit, MI350 në 2025 dhe MI400 në 2026 tha kompania.

Megjithatë ky biznes i AMD është vetëm një fraksion i asaj të Nvidia. AMD raportoi 2.8 miliardë dollarë të ardhura nga biznesi i çipeve AI ndërsa Nvidia kishte 22.6 miliardë dollarë.

Por çfarë do të thotë kjo për gamerat? Interesi i lartë për AI në 2024 do të thotë se nuk ka çipe të reja grafike për gamerat. Në kompjuterët personalë shitjet e procesorëve Ryzen u rritën me 49 përqind.

/PCWorld Albanian