Dështon kalimi i Navas tek Monza, zbulohen detajet

Një nga pikat kryesore që Monza dëshiron të përforcohet në këtë afat kalimtar të verës është pozita e portierit.

Ish-portieri i Real Madrid dhe PSG, Keylor Navas ishte afër kalimit tek italianët, por sipas Gianluca Di Marzio, kjo pistë ka dështuar.

Navas ishte përgatitur edhe për një ekzaminim mjekësor, por në momentin e fundit klubi dhe agjentët e lojtarit nuk ranë dakord për kushtet e kontratës, për shkak të së cilës negociatat dështuan.

Më parë u raportua se palët kishin rënë dakord për një marrëveshje që do të ishte një marrëveshje njëvjeçare me një opsion për t’u zgjatur edhe për një sezon tjetër.