Evertoni bën ofertë zyrtare për Armando Brojën

Kjo verë do të jetë tejet e nxehtë për Armando Brojën, e ardhmja e të cilit vazhdon të jetë e paqartë.

Nuk dihet nëse Broja do të mbetet te Chelsea, apo do të largohet te ndonjë klub tjetër.

Në fakt sulmuesi shqiptar nuk është në planet e Chelseat, që e ka nxjerrë në shitje atë së bashku me 11 futbollistë të tjerë.

E ofertat për Brojën nuk kanë munguar nga top-ligat evropiane, por sidomos nga Premierliga.

Valles po i prin Evertoni që po bën presion për të nënshkruar me futbollistin e kombëtare shqiptare.

Madje, ekipi nga Liverpooli ka bërë edhe një ofertë zyrtare në drejtim të Chelseat.

Të kaltrit kanë ofruar 27 milionë funte, ose 32 milionë euro për transferimin e shqiptarit.

Chelsea po e shqyrton këtë ofertë dhe sipas mediave angleze ka gjasa të mëdha ta pranojë, pasi këto para do t’i shpenzonte për transferimin e një sulmuesi tjetër.

Gjithsesi përveç Evertonit në garë për yllin shqiptar janë edhe Southampton, Ipswich dhe West Ham United.

Edhe Milani në Itali ka shprehur interesim për Brojën, të cilin e shohin si sulmues rezervist, pas Alvaro Moratas, që e transferuan këtë verë.