Mickoski paralajmëroi investim të ri, një kompani gjermane do të prodhojë bateri litiumi

Kryeministri i vendit, Hristijan Mickoski, ka bërë të ditur se këto ditë do të ketë investim të huaj në vlerë prej 60 milionë eurosh nga një investitor gjerman që do të prodhojnë bateri litiumi e që do të ketë diku mbi 700 të punësuar.

Kryeministri thotë se kjo qeveri është e përkushtuar në rritje të eksportit dhe krijim të kushteve për investitor të huaj që do të ndikonin dukshëm në uljen e papunësisë, rritjes së standardit jetësor dhe rritjes së konkurueshmërisë.

“Pas një pune të vështirë dymujore dhe heqjes së të gjitha atyre mangësive që janë grumbulluar në muajt e fundit, do të kemi vendosjen e një gurthemeli të ri të një kompanie që vjen nga Gjermania. Investimi është afërsisht 60-65 milionë euro, diku rreth 700 vende të reja pune dhe fabrika e re do të prodhojë bateri litiumi. Me përfundimin e këtij investimi do të rriten eksportet dhe me rritjen e eksporteve do të zvogëlohet diferenca, pra deficiti ndërmjet eksporteve dhe importeve dhe në këtë mënyrë do të rritet produkti i brendshëm bruto.”, – deklaroi kryeministri, Hristijan Mickoski.

Në korrik, kryeministri ka njoftuar dhe për investime nga kompania amerikane “Vabtek”, gjithashtu në vend pritet të investojnë dhe kompania “Alkazar Energji” dhe “Epsotek”. (TVM2)