Për herë të parë, Norvegjia ka më shumë vetura elektrike se me benzinë

Në Norvegji, numri i veturave elektrike ka tejkaluar numrin e atyre me benzinë ​​për herë të parë në histori, raporton Autoblog.

Sipas Këshillit të Informacionit të Trafikut Rrugor (OEV), tani ka 754.303 vetura elektrike dhe 753.905 vetura me benzinë ​​në Norvegji nga një total prej 2.8 milionë automjetesh pasagjerësh.

Oyvind Solberg Thorsen nga OEV-i ka thënë se ky është ndryshim historik që nuk mund të pritej dhjetë vjet më parë. Ai theksoi se elektrifikimi vazhdon të rritet me ritme të larta dhe se Norvegjia po bën përparim të shpejtë drejt synimit për t’u bërë vendi i parë në botë me dominimin e veturave elektrike.

Thorsen bëri të ditur se në vitin 2026 pritet që veturat elektrike të kalojnë edhe ato me naftë.

Ky transformim është bërë i mundur falë ndryshimeve në taksa të veturave, duke i dhënë përparësi atyre elektrike.