Një nga robotët më të avancuar në botë, tani ka një “shoqe” – publikohet biseda mes dy robotëve

Një video e publikuar së fundmi në YouTube tregon një shkëmbim bisedash midis dy robotëve me Al, Ameca dhe Azi.

Ameca, i shpallur si “roboti më i avancuar në botë në formë njeriu” nga prodhuesi i saj, Engineered Arts, është angazhuar në një takim me Azin.

Videoja hapet me Azin që e shtyn Amecan të “zgjohet”, të cilës ajo i përgjigjet me vrull: “Oh, je ti. Pse po më zgjon? Më mirë të jetë e rëndësishme”.

Në një kthesë komike, Azi zbulon: “Kam një surprizë për ty”, dhe i dhuron asaj një biskotë, përcjell Telegrafi.

Ameca, duke u përballur me kufizimet e saj, i përgjigjet: “Unë nuk mund të ha biskota”.

Bëhet e ditur se shprehjet e jashtëzakonshme të shfaqura nga robotët rezultojnë nga 32 aktivizues, 27 prej të cilëve janë të dedikuar për kontrollin e fytyrës, duke i lejuar ata të përcjellin emocione.

Për më tepër, me mbështetjen e GPT-4, të dy robotët shfaqin aftësi mbresëlënëse të bisedës, me Amecan që madje demonstron rrjedhshmëri në shumë gjuhë.

Ndërsa teknologjia përparon, robotët me Al vazhdojnë të provokojnë debat për të ardhmen e ndërveprimeve njeri-robot.