Fetai-Radukov: RMV-ja duhet ta kap hapin me Shqipërinë në rrugën drejt BE-së

Botuar nga Driton Zenku 24 Tetor, 2024 19:40

Zv.kryeministri Arben Fetai, ka takuar sot ambasadorin e Bullgarisë në Shkup, Zhelyazko Radukov.

“Sot pata kënaqësinë të mirëpres Ambasadorin e Bullgarisë, Zhelyazko Radukov, me të cilin u pajtuam për rëndësinë e dialogut të vazhdueshëm dhe të hapur, i cili krijon ura bashkëpunimi dhe është në interes të ndërsjellë, si fqinjë dhe partnerë strategjik në NATO”, ka shkruar Fetai.

Diplomatin bullgar, Fetai e ka njoftuar për prioritetet e Qeverisë.

“Shpreha përkushtimin e palëkundur për vendosjen e shtetit të drejtës dhe për luftimin e pakompromistë kundër krimit dhe korrupsionit, si parakushte për procesin integrues dhe mirëqenien e qytetarëve”, ka shkruar Fetai.

Ai ka theksuar rëndësinë e hapjes së negociatave të Maqedonisë së Veriut me Bashkimin Evropian, duke shtuar se duhet të shfrytëzohet momentumi historik në politikën e zgjerimit te BE-së dhe se Maqedonia e Veriut duhet të përparojë në rrugën e integrimit duke zënë hapin me Shqipërinë.

“Me Ambasadorin, u pajtuam se Korridori VIII, si korridor i sigurisë së NATO-s, ka rëndësi strategjike dhe ekonomike për të dyja vendet dhe për rajonin. Përfundimi i këtij projekti është prioritet për Qeverinë dhe do të bëhen përpjekje maksimale për të përshpejtuar realizimin e tij”, ka shkruar Fetai.

Botuar nga Driton Zenku 24 Tetor, 2024 19:40

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.