BDI: 5 Fëmijë të vdekur në më pak se dy muaj – Koha për Përgjegjësi!

Vdekja e një tjetër fëmije të pafajshëm në Klinikën Universitare për Fëmijë është një tragjedi që nuk mund të kalojë pa përgjegjësi, kërkojnë nga partia e Ahmetit.

Kjo është hera e pestë që dëgjojmë për humbjen e një jete të re, brenda dy muajve ndërsa sistemi shëndetësor është lënë në autopilot dhe ministri i Shëndetësisë merret me agjenda të partisë. 

Nga një intervistë në tjetrën, ministri është më shumë në lojra partiake  se në ministri, ndërsa më të dashurit tanë po paguajnë çmimin e paaftësisë dhe neglizhencës. 

Kjo ka kaluar çdo kufi të humanes dhe të pranueshmes.

Në emër të përgjegjësisë ndaj qytetarëve, kërkojmë menjëherë dorëheqjen e drejtorit të Klinikës dhe ministrit të Shëndetësisë.

Mospërgjegjësia dhe paaftësia e paprecedentë po kushtojnë jetë të fëmijëve tanë më të dashur. Ky është një alarm që nuk mund të injorohet më, thonë nga BDI. Flaka Media