Aplikoni për të marrë me qira tokë bujqësore në pronësi shtetërore

Ministria e Bujqësisë, Pylltarisë dhe Ekonomisë së Ujërave ka shpallur 5 Thirrje Publike për dorëzimin e ofertave për dhënien me qira të tokës bujqësore në pronësi shtetërore.

Thirrja e parë publike i referohet dorëzimit të ofertave për dhënien me qira të tokës bujqësore në pronësi shtetërore mbi 3 hektarë.

Ndërkohë, katër Thirrjet e tjera Publike lidhen me dorëzimin e ofertave për dhënien me qira të tokës bujqësore në pronësi shtetërore deri në 3 hektarë për rajone dhe komuna kadastrale të ndryshme.

Ofertat duhet të dorëzohen brenda 30 ditëve nga dita e shpalljes së Thirrjes Publike në gazetat ditore që botohen në Republikën e Maqedonisë së Veriut, deri te Ministria e Bujqësisë, Pylltarisë dhe Ekonomisë së Ujërave.

Thirrjet publike janë të publikuara edhe në faqen zyrtare të internetit të Ministrisë së Bujqësisë, Pylltarisë dhe Ekonomisë së Ujërave.