Aksident në Debresh – Dy të mitur lëndohen rëndë pas përplasjes së motoçikletës me një veturë

Me datë 03.05.2025 në ora 23:40 në Stacionin Policor Tetovë është raportuar se në fshatin Debresh të Gostivarit, ka ndodhur një aksident trafiku në mes të motoçikletës “Arora” me targa regjistrimi të Gostivarit i drejtuar nga një i mitur 14 vjeçar nga fshati Debresh dhe veturës së pasagjerëve “Ford Fiesta” me targa të Gostivarit të drejtuar A.F. (51) nga i njëhti fshat.

Në aksident lëndime të rënda kanë pësuar i mituri që drejtonte motoçikletën dhe pasagjeri i tij 15 vjeçar nga fshati Dobërdoll i Gostivarit, të cilët janë dërguar në Qendrën Emergjente të Gostivarit. Një ekip nga Departamenti i Punëve të Brendshme të Gostivarit, me autorizim të prokurorit publik ka kryer inspekti në vendin e aksidentit.