VLEN i beson fushatën zgjedhore Adnan Azizit

Koalicioni VLEN ka bërë të ditur se deputeti Adnan Azizi është emëruar shef i Shtabit Qendror Zgjedhor për zgjedhjet lokale që pritet të mbahen në tetor të këtij viti, shkruan Flaka

Sipas një njoftimi zyrtar, vendimi është marrë në mënyrë unanime nga struktura udhëheqëse e koalicionit, duke vlerësuar përvojën politike, angazhimin në terren dhe besimin që Azizi gëzon brenda subjektit.

“Ky vendim synon të forcojë përgatitjet dhe koordinimin për zgjedhjet lokale, me qëllim maksimizimin e përfaqësimit dhe suksesit elektoral të subjektit”, thuhet në komunikatën e VLEN.

Koalicioni njofton se tashmë ka filluar përgatitjet intensive për fushatën zgjedhore, duke mobilizuar të gjitha kapacitetet për një fushatë “dinjitoze dhe fitimtare”.