Dhëndri i Donald Trump viziton Shqipërinë për konferencë evropiane

Të premten në emisionin “Edicioni Special”, opinionisti Mentor Nazarko njoftoi se Shqipërinë do ta vizitojë dhëndri i presidentit amerikan Donald Trump, i cili do të marrë pjesë në një konferencë evropiane. Nazarko theksoi se ai është gjithashtu Këshilltar Informal i Presidencës Trump dhe ka luajtur rol kyç në negociatat që çuan në firmosjen e dy marrëveshjeve miliardëshe midis SHBA-së dhe Arabisë Saudite.

Sipas Nazarkos, Shqipëria po shndërrohet në një kryeqendër të rëndësishme të politikës evropiane, veçanërisht pas Samitit të Komunitetit Politik Evropian që u mbajt së fundmi në Tiranë, ku morën pjesë 47 liderë nga Evropa.