Spurs zyrtarizon trajnerin e ri – Vjen Thomas Frank

Zyrtare: Thomas Frank, trajneri i ri i Tottenhamit – Kontratë deri në vitin 2028.

Tottenham Hotspur ka zyrtarizuar emërimin e trajnerit të ri, pas largimit të Ange Postecoglou. Thomas Frank, tekniku danez, është zgjedhja e klubit londinez për të udhëhequr skuadrën në sezonet e ardhshme.

Frank kishte arritur marrëveshjen me presidentin Daniel Levy prej ditësh, ndërsa sot ka ardhur edhe konfirmimi zyrtar nga klubi. Ai ka nënshkruar kontratë që e mban në “Tottenham Hotspur Stadium” deri në verën e vitit 2028.

51-vjeçari vjen pas një periudhe të suksesshme me Brentford, klub të cilin e drejtoi për shtatë vite me rezultate mbresëlënëse dhe me një stil loje të admiruar.

Kjo do të jetë hera e parë që Thomas Frank do të drejtojë një skuadër që merr pjesë në Ligën e Kampionëve, një hap i madh në karrierën e tij

Flaka