Analisti Sefer Selimi: Arbër Ademi, Bujar Osmani e të tjerë duhet të vazhdojnë në BDI

Analisti politik Sefer Selimi në emisionin “Debat në Shenja” tha se mendon se një pjesë e figurave në BDI të cilët kanë treguar rezultat në të kaluarën duhet të vazhdojnë dhe të veprojnë në BDI.

“Përshembull zotëri Arbër Ademi është një prej atyre që nuk ka ndonjë aferë serioze koruptive pas vetes, ka disa figura të reja që…Edhe zotrëri Osmani ka patur rezultate të jashtëzakonshme si ministër i punëve të jashtme ka kapacitet intelektual, ka kapacitet politik gjithsesi që vlerësoj se është një nga figurat që duhet të ngelet”, tha Selimi.

I pyetur nëse Blerim Bexheti duhet të vazhdojë në BDI, tha se ai duhet të vazhdojë por jo të jetë frontmen dhe duhet të hape krah, gjë të cilët, tha Seferi, se ai e ka paralajmëruar disa herë.

“Në përgjithësi mednojë se koha e Musa Xhaferit ka mbaruar në politikë si frontmen dhe kthimi i tij ishte i gabueshëm jo më të vazhdoje të qëndroje”, tha Seferi.

Analisti politik Xhenur Iseni në emisionin “Debat në Shenja”, ka deklaruar se nuk ka asgjë të kontestueshme në koalicionimet e partive shqiptare me ato maqedonase për zgjedhjet lokale. Ai vlerëson se VLEN tani, por edhe BDI më parë dhe PDSH kanë bërë koalicione me partitë maqedonase.

Iseni tha se ai tani pret një VLEN pak më ndryshe.

“Shumë eksponentë të AKI-së në zgjedhje lokale kanë thënë që testi i legjitimitetit te shqiptarët o të jetë Çairi dhe Tetova dhe këtë test pa pikë dyshimi e kanë kalu VLEN dhe duke u bazuar në këtë narrativ VLEN-i e ka kaluar testin e legjitimitetit dhe ju po e shihni se as eksponentët e BDI-së se AKI nuk ka, çdoherë ka patur vetëm BDI por ajo ka qenë një lloj mbulimi kozmetik i koalicionit nuk e përmendin legjitimitetin”, tha Iseni.