9 raste kur pirja e ujit mund të dëmtojë shëndetin

Edhe pse uji është thelbësor për jetën dhe funksionimin normal të trupit, ekspertët paralajmërojnë se konsumimi i tepërt dhe në momente të papërshtatshme mund të shkaktojë probleme serioze shëndetësore.

Sipas mjekëve, mbi-hidratimi mund të çojë në ulje të nivelit të natriumit në gjak (hyponatremi), gjendje që mund të jetë e rrezikshme për jetën. Ja disa nga situatat kur duhet të tregoni kujdes:

• Para gjumit – rrit nevojën për të urinuar gjatë natës dhe mund të shkaktojë ënjtje në mëngjes.
• Gjatë stërvitjes intensive – mund të çojë në çrregullime elektrolitike dhe probleme me zemrën.
• Kur urina është plotësisht e qartë – shenjë e mbi-hidratimit.
• Për të shuar djegien nga specat – uji përhap kapsaicinën dhe e përkeqëson ndjesinë.
• Menjëherë para, gjatë ose pas ngrënies – ul prodhimin e pështymës dhe ngadalëson tretjen.
• Kur vjen nga burime private të pasigurta – mund të përmbajë substanca të dëmshme si organotina, antimoni dhe ftalate.
• Kur përmban ëmbëlsues artificial – mund të rrisë oreksin dhe të ndikojë në shtimin e peshës.
• Uji i detit – përmban kripë të lartë dhe patogjenë që mund të shkaktojnë sëmundje.
• Kur keni pirë mjaftueshëm gjatë ditës – tepria dëmton veshkat dhe balancën e gjakut.

Ekspertët këshillojnë që gjithmonë të ndiqni sinjalet e trupit dhe të mos e teproni me marrjen e lëngjeve, duke ruajtur një ekuilibër të shëndetshëm.

Flaka