Si të përdorni parfumin që aroma të zgjasë gjithë ditën

Aplikimi i parfumit duket një veprim i thjeshtë, por në fakt kërkon disa rregulla bazë për të arritur efektin maksimal dhe për të bërë që aroma të zgjasë gjatë gjithë ditës.

Ekspertët e kujdesit personal theksojnë se momenti ideal për të vendosur parfumin është menjëherë pas dushit, kur lëkura është e pastër, e ngrohtë dhe e hidratuar. Në këto kushte, aroma përthithet më mirë dhe qëndron më gjatë. Në mungesë të kësaj, rekomandohet përdorimi i një locioni pa aromë për të ruajtur efektin.

Një tjetër gabim i zakonshëm është kombinimi i parfumit me produkte të tjera të aromatizuara si kremra apo detergjentë trupi, të cilat mund të ndryshojnë ose prishin aromën origjinale.

Sa i përket vendit të aplikimit, zonat më efektive janë ato të pulsit si qafa, kyçet e duarve apo pjesa e pasme e gjunjve. Këto zona lëshojnë më shumë nxehtësi, duke ndihmuar në shpërndarjen dhe intensifikimin e aromës.

Ekspertët këshillojnë gjithashtu që parfumi të mos fërkohet pas aplikimit, pasi kjo mund të dëmtojë strukturën e aromës dhe të ndryshojë notat e saj kryesore.

Ndërkohë, duhet pasur kujdes edhe me sasinë. Përqendrimi i parfumit luan rol të madh: “Perfume” është më i forti, i ndjekur nga “Eau de Parfum”, “Eau de Toilette” dhe “Eau de Cologne”. Sa më i përqendruar parfumi, aq më pak sasi nevojitet. Në përgjithësi, dy sprucime konsiderohen të mjaftueshme për përdorim të përditshëm.

Flaka