Alonso u dërgon mesazh tifozëve të Chelseat

Xabi Alonso është zyrtarisht trajneri i ri i Chelsea. Klubi londinez ka konfirmuar marrëveshjen, ndërsa strategu spanjoll ka dhënë edhe mesazhin e parë për tifozët pas prezantimit të tij në “Stamford Bridge”.

Në deklaratën e tij të parë si trajner i Chelseat, Alonso u shpreh krenar për këtë hap të madh në karrierën e tij dhe theksoi ambiciet e përbashkëta me drejtuesit e klubit.

“Chelsea është një nga klubet më të mëdha në futbollin botëror dhe është krenari e madhe për mua të bëhem trajner i këtij klubi të madh”, deklaroi Alonso.

Trajneri spanjoll shtoi se pas bisedimeve me pronarët dhe drejtuesit e klubit, ka kuptuar se të gjithë ndajnë të njëjtin vizion: ndërtimin e një skuadre konkurruese që do të luftojë vazhdimisht për trofe.

Ai gjithashtu vlerësoi potencialin e madh që ndodhet aktualisht në skuadër dhe premtoi punë të madhe për të krijuar kulturën e duhur fituese në “Stamford Bridge”.

“Ka shumë talent në skuadër dhe potencial të jashtëzakonshëm në këtë klub. Është nder i madh për mua ta udhëheq Chelsean. Tani fokusi është puna e madhe, ndërtimi i mentalitetit të duhur dhe fitimi i trofeve së bashku”, përfundoi Alonso.

Emërimi i tij ka shkaktuar reagime të shumta në botën e futbollit, me tifozët që presin të shohin nëse spanjolli mund ta rikthejë Chelsean në majat e futbollit anglez dhe europian.

Flaka