Manchester United synon Rafael Leão: Ofertë e madhe në horizont për yllin e Milanit
Manchester United po shqyrton seriozisht transferimin e Rafael Leão nga AC Milan gjatë afatit kalimtar të verës, me synimin për të përforcuar repartin ofensiv.
“Djajtë e Kuq” e shohin sulmuesin portugez si një nga objektivat kryesorë për sezonin e ardhshëm, pas paraqitjeve të tij të qëndrueshme në Serie A. Leão ka regjistruar deri tani 290 ndeshje zyrtare me Milanin, me 80 gola dhe 65 asistime.
Sipas raportimeve, drejtuesit e United janë të vetëdijshëm se Milani nuk do ta lejojë lehtë largimin e tij, ndaj po përgatisin një ofertë që përfshin rreth 50 milionë euro plus një lojtar në shkëmbim.
Në listën e lojtarëve të mundshëm për t’u përfshirë në marrëveshje përmenden Manuel Ugarte, Joshua Zirkzee dhe Marcus Rashford. Rashford aktualisht ndodhet në huazim te FC Barcelona, e cila ende nuk ka marrë vendim për aktivizimin e opsionit të blerjes prej 30 milionë eurosh.
Përveç Manchester United, interes për Leão kanë shfaqur edhe klube të mëdha si Real Madrid, FC Bayern Munich, Arsenali dhe Liverpooli, por deri tani nuk ka pasur hapa konkretë për një transferim zyrtar.
Flaka
















