Arteta mahnitet nga PSG: “Nuk kam parë kurrë diçka të tillë më parë”
Botuar nga Drin Zenku
Trajneri i Arsenal, Mikel Arteta, ka vlerësuar në maksimum cilësitë e Paris Saint-Germain pas përballjeve mes dy skuadrave, duke pranuar se ekipi francez e ka impresionuar me nivelin e tij teknik dhe individual.
Tekniku spanjoll u shpreh i habitur nga mënyra se si PSG kontrollon topin dhe nga aftësitë individuale të futbollistëve të saj, duke deklaruar se nuk kishte parë më parë diçka të ngjashme.
“Ajo që ata janë në gjendje të bëjnë me topin, me veprimet individuale, nuk e kam parë kurrë më parë.”
Arteta shkoi edhe më tej, duke pranuar se në të ardhmen do të përpiqet të marrë elemente nga stili i lojës së PSG-së dhe t’i aplikojë ato te skuadra e tij.
“Po, do të përpiqem të emuloj stilin e lojës së PSG-së në të ardhmen. Sidomos cilësinë që ata kanë në veprimet individuale.”
Deklaratat e trajnerit të Arsenalit konsiderohen një kompliment i madh për ekipin e drejtuar nga Luis Enrique, i cili ka ndërtuar një skuadër dinamike dhe spektakolare që po fiton admirimin e futbollit evropian.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
