Osmani: Pas Serbisë, Marta Kos mund ta anulojë edhe vizitën në Shkup për shkak të glorifikimit të Mladiqit

Flaka
Botuar nga Flaka 4 Shtator, 2026 19:20

Osmani: Pas Serbisë, Marta Kos mund ta anulojë edhe vizitën në Shkup për shkak të glorifikimit të Mladiqit

Ish-ministri i Jashtëm, Bujar Osmani, ka reaguar pas vendimit të Komisioneres Evropiane për Zgjerim, Marta Kos, për të anuluar vizitën e planifikuar në Serbi, duke e lidhur këtë vendim me glorifikimin e kriminelit të luftës Ratko Mladiq.

Kos njoftoi se nuk do ta realizojë vizitën e planifikuar në Serbi, duke thënë se glorifikimi i Mladiqit është i papajtueshëm me vlerat mbi të cilat ndërtohet rruga evropiane. Mladiqi ishte dënuar për gjenocid, krime kundër njerëzimit dhe krime lufte. (Reuters⁠)

Duke komentuar zhvillimet, Osmani tha se e njëjta qasje nacionaliste është shfaqur edhe brenda institucioneve të Maqedonisë së Veriut.

“E njëjta sëmundje nacionaliste është shfaqur edhe brenda institucioneve të Maqedonisë së Veriut. Ministri Ivan Stoilkoviq dhe drejtori Dalibor Kitanoviq e kanë lavdëruar dhe glorifikuar publikisht Mladićin, ndërsa Qeveria nuk i sanksionoi dhe nuk u distancua nga veprimet e tyre”, deklaroi Osmani.

Sipas tij, vendimi i Marta Kos për Serbinë krijon një precedent që mund të ketë pasoja edhe për Maqedoninë e Veriut.

“Pas precedentit të Beogradit, ka shumë gjasa që Marta Kos ta anulojë edhe vizitën e saj të ardhshme në Shkup”, tha Osmani.

Ai kërkoi që i njëjti standard evropian të zbatohet ndaj të gjitha vendeve kandidate për anëtarësim në Bashkimin Evropian.

“Standardi evropian ndaj glorifikimit të kriminelëve të luftës vlen njësoj edhe për Maqedoninë e Veriut”, theksoi Osmani.

Vendimi i Kos erdhi pasi trupi i Ratko Mladiqit u kthye në Beograd me avion qeveritar dhe u prit me nderime ushtarake. Komisionerja evropiane tha se mënyra e glorifikimit të tij është në kundërshtim me vlerat evropiane, duke theksuar nevojën për përballje me të kaluarën, pajtim të vërtetë dhe respekt për viktimat e krimeve të luftës. (Reuters⁠)

Osmani, ndërkaq, paralajmëron se i njëjti standard mund të aplikohet edhe ndaj Shkupit, nëse institucionet vazhdojnë të tolerojnë deklarata apo veprime që glorifikojnë figura të dënuara për krime lufte. Gazeta Flaka

109

Si po i përballoni shpenzimet mujore për shkak të rritjes së çmimeve?

 

Flaka
Botuar nga Flaka 4 Shtator, 2026 19:20
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin. Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.

Limani i mbyll dilemat për VLEN-in: “Nuk jam politikan tregtar, ASH-ja ka rrugën e saj”

Limani i mbyll dilemat për VLEN-in: “Nuk jam politikan tregtar, ASH-ja ka rrugën e saj”
Lexo më shumë
Lexo më shumë
109

Si po i përballoni shpenzimet mujore për shkak të rritjes së çmimeve?

 

  • DritonZenku
    Shkollat po mbyllen, fshatrat po zbrazen: alarmi demografik në Maqedoninë e Veriut
Lexo më shumë

BALLKANI SOT

GLOBI SOT

Lexo më shumë