Bendevska: Negociatat mes ZNAM dhe VMRO-DPMNE janë në fazën përfundimtare

Negociatat e ZNAM-it me VMRO-DPMNE-në si parti që fitoi më së shumti mandate në zgjedhjet parlamentare janë në fazën finale, thotë Vesna Bendevska nga Lëvizja ZNAM për Maqedoninë tonë, përcjell FLAKA.

Bendevska, e cila është pjesë e ekipit negociator të ZNAM-it për koalicion me VMRO-DPMNE-në, sonte në TV Sitel tha se për portofolet që do të merren diskutohen në bazë të platformës, përcaktimeve strategjike dhe parimeve politike.

“Kështu i kemi trajtuar këto negociata shumë seriozisht. Ne i nisëm zyrtarisht negociatat të shtunën, e informuam publikun sepse premtuam se do të raportonim në mënyrë transparente për procesin e negociatave, por në një periudhë të shkurtër, nëse them me kusht, tashmë mund të themi se në kuadër të seancës konstituive të nesërme parlamentare, negociatat mes Lëvizja ZNAM për Maqedoninë tonë dhe VMRO-DPMNE janë në fazën përfundimtare”, tha Bendevska.

Duke komentuar raportimet në media se ZNAM do t’i pranojë departamentet e administratës dhe drejtësisë, Bendevska tha se nuk është biseduar konkretisht për departamentet, por, siç tha ajo, për kontributin e platformës dhe parimeve politike mbi të cilat bazohet Lëvizja ZNAM dhe mundësinë që ata të hyjnë dhe të bëhen pjesë e programit të ardhshëm të qeverisë.

Nesër, theksoi ajo, supozoj se do t’i kushtohet seancës konstituive dhe do të dihet momenti i parë i lirë dhe zgjidhjet dhe portofolet kadrore që do të marrë Lëvizja ZNAM në Qeverinë VMRO-DPMNE, dhe gjëja më e lehtë për t’u bërë është që të t’i shpallë mandatari i cili do ta marrë mandatin nga presidentja. FLAKA