Pacientët me osteoporozë përballen me mungesë ilaçesh

Pacientët me osteoporozë që duhej të merrnin terapinë në Klinikën e Endokrinologjisë ditën e djeshme janë kthyer pa sqarim konkret se pse nuk kanë mundur ta marrin atë. Në mesin e tyre kishte edhe pacientë të cilët kanë udhëtuar nga qytete të tjera drejt klinikës së Shkupit, përcjell FLAKA.

Një nga pacientet tregon për televizionin 24 se është e revoltuar, por edhe e shqetësuar për gjendjen e saj shëndetësore, pasi ka shkuar me dokumentacion të rregullt dhe është thirrur nga vetë mjekët në klinikë për të marrë terapinë, e cila është në formën e ampulave dhe në fund, pa një shpjegim specifik, e kanë kthyer.

Menaxhmenti i klinikës tha për TV 24 se ampula nuk iu është aplikuar pacientëve sepse kompania furnizuese ka kërkuar që të tërhiqen. Drejtori ka sqaruar se tenderin e ka kryer Shërbimi për Çështjet e Përgjithshme dhe të Përbashkëta, nga ku janë njoftuar se duhet të trajtohen ampulat, gjë që është konfirmuar nga Shërbimi për Çështjet e Përgjithshme dhe të Përbashkëta, por pa përgjigje për arsyen për tërheqjen.

“Nga furnizuesi Pharma Trade i barit Alvodronik 3mg/3ml, me të cilin kemi kontratë për prokurim publik të mallrave, kemi marrë njoftim se prodhuesi i barit po e vendos në karantinë dhe se përdorimi i barit duhet të ndalet. Për të njëjtën është njoftuar menjëherë edhe Klinika e Endokrinologjisë”, thonë nga Shërbimi për Çështjet e Përgjithshme dhe Komunitare.

Nga Endokrinologjia presin që problemi i mungesës së ampulave të zgjidhet sa më shpejt dhe pacientët brenda pak ditësh të thirren për të marrë terapinë.

Profesoresha Snezhana Markoviq e cila është vazhdimisht me pacientët me këtë diagnozë me një mesazh qetësues për pacientët që të mos bëjnë panik dhe sqaron se tërheqja e ampulave nuk do të shkaktojë kërcënim për gjendjen shëndetësore, është një sëmundje kronike për të cilën rekomandohet ndryshimi. Ilaçet që do të kishin një ndikim pozitiv.

Osteoporoza është një sëmundje kronike që shfaqet kryesisht tek të moshuarit. Kocka të dobëta dhe rrezik i shtuar i frakturave kryesisht në rruazat e shtyllës kurrizore, parakrahut dhe ijeve. FLAKA