Papunësia në Greqi, më e ulëta në pothuajse 15 vjet
Botuar nga Driton Zenku
Në maj, shkalla e papunësisë e rregulluar sezonalisht në Greqi ra nga 10,7 për qind në prill në 10,6 për qind dhe tashmë është më e ulëta në pothuajse 15 vjet, që nga dhjetori i vitit 2009, njoftoi sot Enti i Statistikave Greke ELSTAT. Numri i të papunëve në Greqi ra me 11,500 në 504,900 në maj, por po ashtu ra edhe numri i të punësuarve, me 63,100 në 4.24 milionë, sipas faqes së internetit të organizatës. Në të kundërt, numri i personave nën moshën 75 vjeç që nuk janë aktivë në tregun e punës u rrit me 72,200 në muaj në 3.02 milionë.
Në të njëjtin muaj të vitit të kaluar, shkalla e papunësisë në Greqi ishte më e lartë dhe arriti në 11.2 për qind, sipas faqes së internetit të ELSTAT. Rënia e papunësisë në Greqi është në përputhje me tendencat në Eurozonë.
Norma e papunësisë e rregulluar sezonalisht në eurozonë ra në prill nga 6.5 përqind e marsit në një nivel të ri historik prej 6.4 përqind, njoftoi Eurostat më herët. Në Bashkimin Evropian, shkalla e papunësisë në prill ishte gjashtë për qind, që është e njëjtë si në muajin mars.
Eurostat vlerëson se 13,149 milionë njerëz ishin të papunë në Bashkimin Evropian në prill, nga të cilët 10,998 milionë ishin në Eurozonë.
Botuar nga Driton Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
