Miteva: Shfuqizimi i drejtorëve ekonomikë do të ulë dualizmin

Zëdhënësja dhe deputetja e VMRO-DPMNE-së, Marija Miteva, në TV Telma, ka theksuar se heqja e drejtorëve ekonomikë ka qenë premtim që para zgjedhjeve, përcjell FLAKA.

“VMRO-DPMNE para zgjedhjeve kishte një premtim kyç në fushën e shëndetësisë dhe politikave shëndetësore që planifikon ta zbatojë si qeveri e ardhshme, një nga premtimet ishte heqja e të ashtuquajturve drejtorë ekonomikë apo organizativë sepse në të kaluarën kanë treguar një sërë dobësish dhe kur ke një sistem jofunksional që ka treguar se po keqpërdoret, atëherë vlerësojmë që e njëjta arsyetohet”, thotë Miteva.

Ajo shtoi:

“Pikënisja për këtë ka qenë keqpërdorimi i fondeve publike, pra fondeve financiare, prokurimeve publike, dualizmit dhe nepotizmit. Me një vendim të tillë do ta zvogëlojmë dualizmin që ekziston me nënshkrime të lidhura brenda klinikave dhe do të kontribuojmë për punë më të mirë dhe më të përgjegjshme”, tha Miteva.

Sa i përket pensionistëve, Miteva theksoi se qeveria e VMRO-DPMNE-së i ka dëgjuar pensionistët për kërkesën e tyre.

“Ajo që bëri VMRO-DPMNE për pensionistët është të dëgjohet zëri i tyre dhe të realizohet kërkesa e tyre për rritje lineare prej 5000 denarë. Sipas ligjeve, gjëja e parë është rebalanci i Buxhetit, i cili do të mbulojë këtë masë dhe masën prej 100 milionë euro transfer te komunat për realizimin e projekteve”, ka treguar Miteva. FLAKA