Ademi: Le të demanton VLEN nëse guxojnë deklaratat e Mickoskit ku ai qorton aleatët tanë SHBA dhe BE

Nënkryetari i BDI-së, Arbër Ademi ka komentuar deklaratat e kryeministrit Hristijan Mickoski, i cili sot gjatë ditës deklaroi se ambasadorët po përzihet në punët e brendshme të shtetit.

Ademi tha se VLEN të dehur dhe duke shijuar ato pak poste që i kanë në qeveri si jolegjitim, nuk po guxojnë të thojnë asnjë fjalë.

“Të dehur duke i shijuar ato pak poste si jolegjitim në Qeveri, nuk guxojnë ta thonë as edhe një fjalë lidhur me “shuplakat” që mori kjo Qeveri që në javët e para nga përfaqësuesit diplomatik më të rëndësishëm në vend, respektivisht ambasadorët e SHBA-së dhe BE-së, Angela Aggeler dhe David Geer të cilët dolën kundër shpërbërjes së Këshillit Gjyqësor dhe të Prokurorëve.

Kryetarët e VLEN-it, koalicionit humbës, koalicionit nënshtrues ndaj Mickovskit, që vajtonin ditë e natë, sipas tyre për sistemin e kapur të drejtësisë, sot kur Shefi i tyre (Mickovski) i “qorton” edhe aletatët tanë, të cilët dhanë vërejtjet e para ndaj këtij ekzekutivi për ndërhyrje në sistemin e drejtësisë, nuk guxojnë ta thonë edhe një fjalë se a qëndrojnë edhe ata në një vijë me Shefin e tyre. E që sigurisht se qëndrojnë.

“600.000 qytetarë kanë votuar për këtë koalicion” tha Micksovski!

Le ta demanton dikush nga krerët e VLEN-it, nëse kanë guxim, e që është e dëshmuar më që nuk kanë, se qytetarët nuk kanë votuar një Kryeministër që i “qorton” aletatët tanë më të rëndësishëm në integrimin tonë europian.

Por, jo! Nuk kanë guxim dhe janë duke i vetëshijuar ato pak poste xhentëlmene në ekzekutiv”, thuhet në reagimin e Arbër Ademit.