Kostadinovska-Stojçevska: Investimet që po paralajmërohen janë të mëparshme, VMRO-DPMNE nuk ka asnjë masë ekonomike deri më tani

“Nga VMRO-DPMNE në fillim të mandatit nuk ka asnjë masë ekonomike, investimet që janë paralajmëruar janë në fakt të viteve të kaluara, po ashtu është vënë në pikëpyetje ngritja e pagës minimale”, tha deputetja e LSDM-së, Bisera Kostadinovska Stojçevska për “Kanal 5”.

“Në vitin 2017 kemi pasur pagë minimale prej 9.000 denarë, tani është 22.560 denarë. Në 7 vitet e fundit kemi forcuar politikën ekonomike, kemi qenë garantues i rritjes së pagave dhe pensioneve, kemi siguruar gjithçka që i duhet një investitori për të gjetur terren pjellor për investime këtu. Paga minimale duhet të vazhdojë të rritet”, tha Stojçevska.

Ajo ka theksuar se VMRO-DPMNE ka gënjyer qytetarët, por edhe anëtarësinë e saj dhe se kjo mund të përmbyllet në fillim të mandatit të kësaj partie.

“E gjithë fushata dhe parazgjedhja ishin patriotët më të mëdhenj, askush tjetër nuk ishte maqedonas kaq i madh, por tani nuk thoshin se pika e parë do të ishte anulimi i Marrëveshjes së Prespës dhe kthimi i emrit. Politikat e VMRO-DPMNE-së bazoheshin në kundërshtimin dhe anulimin e Marrëveshjes së Prespës, se kryeministri i tyre nuk do ta përdor kurrë emrin kushtetues edhe nëse i hiqet mandati”.

“Mickoski sot është në Samitin Jubilar me rastin e 75 vjetorit të NATO-s. Ulja në atë tavolinë me më të fuqishmit është rezultat i marrëveshjes së Prespës, për të cilën kryeministri aktual as që ka denjuar ta urojë”, tha Kostadinovska Stojçevska.