Zbulohet klauzola e largimit për talentin spanjoll te Barcelona

Sulmuesi i talentuar 16-vjeçar, Lamine Jamal thuhet se ka një klauzolë astronomike lirimi në kontratën e tij me Barcelonën. Duke shkuar në “Euro 2024”, i riu i Spanjës dhe i Barcelonës, Jamal, kishte qenë në qendër të vëmendjes pasi ai doli në skenë gjatë sezonit 2023/24.

Në total, Yamal bëri 50 paraqitje në të gjitha garat për klubin katalunas, duke shënuar shtatë gola dhe duke asistuar 10 herë. Paraqitjet mbresëlënëse të 16-vjeçarit i dhanë atij një vend në skuadrën e Spanjës të përzgjedhësit Luis de la Fuente për “Euro 2024”.

Gjatë turneut në Gjermani, Jamal deri më tani ka shënuar një gol dhe tre asistime në gjashtë ndeshje duke qenë njëri nga lojtarët më të përfolur. Jamal shënoi një gol mahnitës kundër Francës të martën mbrëma për t’u bërë golashënuesi më i ri në historinë e Kampionateve Evropiane.

Pas paraqitjeve të tij mbresëlënëse për Spanjën, shumë klube të mëdha anembanë globit po mbajnë sytë mbi Jamalin. Megjithatë, Barcelonës do t’i duhet një tarifë e madhe për të ndarë rrugët me yllin e tyre të fundit. Sipas CNN Sports, Jamal nënshkroi një marrëveshje të re me Barcelonën në tetor të 2023, e cila do ta mbajë atë në klub deri në qershor 2026. Brenda kontratës është pretenduar se ka një klauzolë lirimi prej një miliard eurosh.