Rritet vlera e shportës konsumatorë, arrinë mbi 60 mijë denarë

Në korrik shpenzimet e jetesës kanë shënuar rritje prej 3% krahasuar me periudhën e njëjtë të vitit të kaluar. Ndërkaq rritje kanë shënuar edhe çmimet me pakicë për 3,9%, njoftoi Enti shtetëror i Statistikave.

Krahasuar me muajin qershor çmimet me pakicë janë rritur për 1.5%. Rritja e inflacionit me 0,7% është si rezultat i rritjes së shpenzimeve për restorante e hotele për 5.8%, për transport 4.9%, argëtim e kulturë për 1.2%, e të tjerë. Shpenzimet për arsim, mobile dhe pajisje shtëpiake kanë mbetur në nivelin e njëjtë.

Ndërkaq, vlera e shportës minimale sindikale për muajin korrik është rritur për 245 denarë dhe arrin në 60.570 denarë, njoftojnë nga Lidhja e Sindikatave.

Nëse llogaritja bëhet për një familje 4 anëtarëshe që nga buxheti i saj mujor ndan edhe për banesë me qira prej 60m2, atëherë shpenzimet janë dukshëm më të larta dhe arrijnë në 75.945 denarë.

Sipas përllogaritjeve të sindikatës, 1/3 e parave ose 22.008 denarë shkojnë për ushqim dhe pije, pastaj për shpenzime të përgjithshme 6.014 denarë, arsim 7.022, veshje dhe këpucë 4.979 denarë, kurse më së paku para ndahen për shërbimet shëndetësore 1.135 denarë./ Alsat.mk