Grubi për seancën e improvizuar: U miratuan ndryshimet kushtetuese, Sela u zgjodh kryeparlamentar

Artan Grubi nga BDI tha se Fronti Europian sot improvizoi seancë të Kuvendit, ku u prezantua programi se çfarë do të bëjë Fronti në përbërjen e ardhshme parlamentare, përcjell TV21.

Grubi tha se kjo paraqet idenë se në çfarë do të insistojë ky koalicion në Kuvend dhe Qeveri.

“z. Ziadin Sela u zgjodh kryetar i Kuvendit. U miratuan ndryshimet kushtetuese sipas Marrëveshjes për Fqinjësi të Mirë si dhe u miratuan ndryshimet kushtetuese për mënyrën e zgjedhjes së presidentit, nga zgjedhjet e ardhshme në vitin 2029, ku presidenti do të zgjidhej në Kuvend me shumicë prej 2/3 e deputetëve dhe shtesë me shumicë të Badenterit”, tha Grubi.

Lexo edhe: Ali Ahmeti nga Fronti Europian: U thyen barierat e fundit, vendi të ecë përpara

Fronti Europian demonstron synimet: Ndryshoi Kushtetutën, zgjodhi Kryeparlamentarin dhe Presidentin!