Vandalizohet billbordi i Bujar Osmanit

Retorika nacionaliste kundër kandidatit shqiptar për President nga Fronti Europian, Bujar Osmani, që kryesisht vjen nga VMRO-DPMNE, kryetari i saj Kristijan Mickovski dhe kandidatja Gordana Siljanovska, po i jep frytet e saj edhe në terren.

Në lagjen Autokomandë të Shkupit është vandalizuar billbordi i Bujar Osmanit. Kjo lagje është e banuar kryesisht me maqedonas.

Pas vendimit të kryediplomatit Bujar Osmani, që të vendi të kosponsorizojë Rezolutë në OKB për gjenocidin në Srebrenicë, nacionalistët maqedonas janë irrituar për shkak se sipas tyre Osmani po i prish marrëdhëniet me Serbinë. Së fundmi edhe kandidati i partisë “ZNAM” Maksim Dimitrievski, ka thënë se, ministrin Osmani më shumë e ndjen si ministër të Jashtëm të Kosovës sesa të Maqedonisë së Veriut.