“Kurbani” i parë/ Jep dorëheqjen shefi i inteligjencës ushtarake izraelite, vetëshpallet fajtor për mos parandalimin e sulmeve të Hamasit më 7 tetor
Aharon Haliwa, kreu i inteligjencës ushtarake të Izraelit, bëhet figura e parë e lartë izraelite që jep dorëheqjen për shkak të sulmit të drejtuar nga Hamasi më 7 tetor.
Pas sulmeve ai kishte deklaruar se mbante mbi supe fajin për mosparandalimin e sulmit, i cili depërtoi mbrojtjen e Izraelit, një aspekt për të cilin ky shtet mburrej.
Kujtojmë se ka qenë pikërisht sulmi i 7 tetorit nga Hamasi ai që nisi luftën në Gaza dhe ofensivën intensive të Izraelit në Bregun Perëndimor.
Së fundmi Izraeli ka sulmuar edhe Rafahun, pavarësisht paralajmërimeve të ndërkombëtarëve.