Dhimbje në shpinë nga kondicioneri – çfarë duhet të dini këtë verë

Nxehtësia e verës shpesh e bën të domosdoshme përdorimin e kondicionerëve, si në shtëpi ashtu edhe në ambiente pune. Por ndërsa freskia sjell lehtësim, ekspertët paralajmërojnë për një efekt anësor gjithnjë e më të përhapur: dhimbjet muskulore, veçanërisht në zonën e qafës dhe shpinës.

Ajri i ftohtë që fryn drejtpërdrejt mbi trup mund të shkaktojë ngurtësim të muskujve, sidomos në pjesën cervikale të shtyllës kurrizore. Kjo ndodh për shkak të ndryshimit të menjëhershëm të temperaturës, që shkakton kontraktime të muskujve dhe ndjesi dhimbjeje, marramendjeje apo edhe dhimbje koke.

Personat me artrit apo artrozë janë veçanërisht të rrezikuar, pasi i ftohti mund të përkeqësojë simptomat ekzistuese. Muskujt e tendosur ushtrojnë presion mbi nyjet, duke intensifikuar dhimbjen dhe duke ndikuar negativisht në funksionimin e përditshëm.

Si ta parandaloni dhe trajtoni dhimbjen:

• Shmangni ekspozimin direkt ndaj ajrit të ftohtë
• Mbulojeni qafën me një shall të lehtë
• Rritni temperaturën e kondicionerit në një nivel më të butë
• Përdorni ilaçe anti-inflamatore (me rekomandim mjekësor)
• Praktikoni masazh të butë dhe shtrirje të rregullt të muskujve
• Konsideroni terapi osteopatike për relaksim dhe balancim muskulor

Masazhi dhe shtrirja e butë janë metoda të sigurta dhe efektive për të lehtësuar tensionin muskulor. Kujdesi i përditshëm dhe ndërgjegjësimi për efektet e ajrit të ftohtë janë çelësi për të kaluar verën pa dhimbje.

Flaka