Pagjumësia: Gabimet që bëjmë pa e kuptuar
Botuar nga Drin Zenku
Nëse vuani nga pagjumësia, ndoshta keni provuar këshillat klasike si shmangia e teknologjisë para gjumit, kufizimi i kafeinës dhe respektimi i një orari të rregullt. Por sipas Kirsty Vant, hulumtuese e gjumit në Royal Holloway University of London, disa nga këto zakone mund të jenë jo vetëm joefektive, por edhe të përkeqësojnë problemin.
Një nga gabimet më të zakonshme, sipas saj, është shkuarja në shtrat më herët ose qëndrimi më gjatë në mëngjes për të “kompensuar” gjumin e humbur.
“Sa më shumë kohë të kaloni zgjuar në shtrat, aq më shumë dobësoni lidhjen mendore mes shtratit dhe gjumit—dhe forconi lidhjen mes shtratit dhe frustrimit,” – shpjegon Vant.
Në vend të kësaj, ajo rekomandon shkuarjen në shtrat pak më vonë dhe zgjimin në të njëjtën orë çdo ditë, për të forcuar “presionin e gjumit” dhe për ta rikthyer shtratin si sinjal për pushim, jo për zgjim.
Ekspertja gjithashtu sugjeron që përdorimi i ekraneve para gjumit të mos ndalohet plotësisht, por të bëhet në mënyrë strategjike – duke zgjedhur përmbajtje qetësuese dhe duke shmangur “scroll”-in e pafund.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
