7 arsye pse duhet të hani fiq çdo javë

Fiqtë nuk janë vetëm një frut i shijshëm që na ëmbëlson ditët e verës, por edhe një burim i pasur lëndësh ushqyese me përfitime të shumta për shëndetin. Të freskët apo të tharë, ata ofrojnë një kombinim unik mineralesh, vitaminash dhe fibrash që ndikojnë pozitivisht në trup dhe mendje.

7 arsye për t’i përfshirë fiqtë në dietë:

1. Të pasur me magnez – ndihmojnë në luftimin e stresit, lodhjes dhe mbrojnë sistemin nervor. Fiqtë e thatë kanë përmbajtje më të lartë magnezi se ata të freskët.
2. Minerale dhe vitamina të shumta – kalcium, hekur, kalium, fosfor, bakër, vitamina B6, C dhe beta-karoten për imunitet, energji dhe shëndet të zemrës.
3. Fibrat dietike – përmirësojnë tretjen, ulin kolesterolin dhe ndihmojnë në qarkullimin e gjakut.
4. Burim natyror energjie – sheqernat natyralë rrisin përqendrimin dhe qartësinë mendore (me moderim për diabetikët).
5. Kombinim perfekt me arra – ofron ngopje afatgjatë dhe energji për aktivitet fizik.
6. Sterole bimore – ndihmojnë në uljen e përthithjes së kolesterolit dhe mbrojnë zemrën.
7. Përdorim i gjithanshëm – të freskët, në sallata, me djathëra, në reçelra, ëmbëlsira apo çajra qetësues.

Ekspertët rekomandojnë konsum të rregullt, duke alternuar fiqtë e freskët dhe të thatë për të përfituar maksimumin e vlerave ushqyese.

Flaka