Fund i një epoke: Jordi Alba tërhiqet nga futbolli profesionisal
Botuar nga Drin Zenku
Legjenda spanjolle Jordi Alba ka njoftuar se do të tërhiqet nga futbolli profesionist në fund të sezonit aktual me Inter Miami. Pas një karriere 19-vjeçare të mbushur me trofe dhe momente historike, 36-vjeçari do të mbyllë kapitullin e tij si një nga mbrojtësit e majtë më të mirë të gjeneratës së tij.
Alba, i cili u bashkua me Inter Miami në vitin 2023 për t’u ribashkuar me Lionel Messin dhe Sergio Busquets, ka qenë pjesë kyçe e suksesit të klubit amerikan, duke fituar Leagues Cup 2023 dhe Supporters’ Shield 2024.
Më parë, ai shkëlqeu për më shumë se një dekadë te Barcelona, ku fitoi:
- 6 tituj La Liga
- 5 Kupa të Mbretit (Copa del Rey)
- 4 Superkupa të Spanjës
- 1 Champions League (2015)
- 1 Kupë Botërore për Klube
Në arenën ndërkombëtare, Alba ishte pjesë e Spanjës kampione të Europës në vitin 2012, ku shënoi edhe në finalen kundër Italisë, si dhe fitues i UEFA Nations League 2023.
Në një deklaratë emocionuese, Alba tha: “Koha ka ardhur për të mbyllur një kapitull të rëndësishëm të jetës sime. E bëj këtë me paqe dhe lumturi, sepse ndjej se kam dhënë gjithçka që kisha për këtë sport.”
Me këtë vendim, futbolli humb një ikonë të krahut të majtë, ndërsa tifozët do ta kujtojnë gjithmonë për shpejtësinë, asistet e pafundme dhe lidhjen magjike me Lionel Messin.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
