Çaji i gjelbër, arma natyrale kundër akneve

Çaji i gjelbër është një nga aleatët më të fuqishëm natyralë kundër akneve, falë vetive të tij antioksiduese dhe aftësisë për të reduktuar prodhimin e yndyrës së tepërt në lëkurë. Ekspertët theksojnë se ai mund të përdoret si pije, por edhe si trajtim i jashtëm për të pastruar dhe qetësuar lëkurën.

Pse çaji i gjelbër ndihmon kundër akneve?

• Redukton prodhimin e sebumit – yndyra e tepërt në lëkurë është një nga shkaqet kryesore të akneve.
• Rregullon nivelet e insulinës dhe sheqerit në gjak, duke ndikuar pozitivisht në ekuilibrin hormonal.
• Ka veti antibakteriale dhe anti-inflamatore, që ndihmojnë në eliminimin e baktereve dhe uljen e skuqjes.
• Pektina dhe antioksidantët ndihmojnë në pastrimin e toksinave dhe parandalimin e njollave pas akneve.

Si ta përdorni çajin e gjelbër kundër akneve?

1. Si pije – Një filxhan çaj i gjelbër në ditë është i mjaftueshëm për të përfituar efektet e tij.
2. Si kompresë – Njomni një garzë me ekstrakt çaji të gjelbër dhe vendoseni mbi zonat me akne për të reduktuar inflamacionin.
3. Maskë me mjaltë
   • Përzieni një lugë çaji të gjelbër me një lugë mjaltë.
   • Aplikojeni në fytyrë për 15–20 minuta.
   • Shpëlajeni me ujë të ftohtë.
   • Përsëriteni 2 herë në javë.
4. Sprej me aloe vera
   • Përgatisni çaj me dy filtra çaji të gjelbër dhe lëreni të ftohet.
   • Përziejeni me një lugë aloe vera dhe vendoseni në një shishe sprej.
   • Spërkateni në fytyrë pas pastrimit.

Flaka