Atlético Madrid gati të negociojë me Barcelonën për Julián Álvarez, çmimi rreth 200 milionë euro

Një lajm i bujshëm ka tronditur tregun e transferimeve në Spanjë: sipas Radioestadio Noche, Atlético Madrid është i gatshëm të hapë bisedimet me Barcelonën për sulmuesin argjentinas Julián Álvarez.

Burime pranë klubit katalanas theksojnë se Atlético do të kërkojë një shifër të lartë, rreth 200 milionë euro, për të lënë të lirë lojtarin e tyre kryesor. Álvarez, i cili u transferua nga Manchester City te Atlético në vitin 2024 për rreth 95 milionë euro, është bërë një nga lojtarët më të rëndësishëm të skuadrës së Diego Simeones, duke shënuar gola vendimtarë dhe duke u kthyer në një lider të repartit ofensiv.

Barcelona, nga ana tjetër, është në kërkim të një pasuesi afatgjatë për Robert Lewandowskin, i cili është në vitet e fundit të karrierës së tij. Drejtuesit e klubit e shohin Álvarez si një nga opsionet më të mira në treg, por çmimi i lartë dhe gjendja financiare e klubit mund të jenë pengesa kryesore për realizimin e këtij transferimi.

Ky nuk do të ishte rasti i parë i një marrëveshjeje të madhe mes dy klubeve, pasi në të kaluarën Barcelona dhe Atlético kanë bërë disa shkëmbime të bujshme lojtarësh, përfshirë transferimin e Luis Suárezit dhe Antoine Griezmannit.

Nëse negociatat do të avancojnë, ky transferim mund të bëhet një nga më të shtrenjtët në historinë e La Ligës.

Flaka